چائنا کٹنگ میں سرکاری افسر ملوث ہیں، کے ڈی اے حکام

کراچی میں اربوں روپے کی زمینوں پرچائنا کٹنگ میں سرکاری افسرملوث ہیں، وزیراعلیٰ سندھ کو بھیجے گئے کے ڈی اے کے لیٹر میں انکشاف کیا گیا ہے۔
کے ڈی اے حکام کے مطابق کے ڈی اے کی اربوں روپے کی زمین پر افسروں نے قبضہ کیا اورچائنا کٹنگ کرائی، کے ڈی اے میں 2003 سے 2015 تک تعینات افسر چائنا کٹنگ میں ملوث ہیں۔ کے ڈی اے حکام نے سندھ حکومت سے اپیل کی کہ کرپٹ افسران کے خلاف کارروائی کی جائے، سابق ڈائریکٹر اسٹیٹ اینڈ انفورسمنٹ سیل نے قبضہ مافیا کو تحفظ فراہم کیا۔ سابق ڈائریکٹر انجینئرنگ اورسابق ایڈیشنل ڈسٹرکٹ آفیسر لینڈ ایکوزیشن کے ڈی اے بھی زمینوں پر قبضہ کے ذمے دار ہیں، سابق ڈسٹرکٹ آفیسر لینڈ مینجمنٹ سے زمینوں پر قبضے کی تحقیقات کی جائیں۔